تبلیغات
آخرين ارسال هاي تالار گفتمان
|
زبانحال حضرت رباب باحضرت ششماهه
آناوین جانی سولان رنگیوه قرباندی علی
کربلاده سو بهاسی بولورم جاندی علی
ره تسلیم و رضادن بوگجه چیخما بالا
سینمه باخما یانان قلبیمی چوخ سیخما بالا
دیلوی ورمه نشان صبرین ایوین ییخما بالا
نه فقط سن هامی اخیامیده عطشاندی علی
اولدی بو خیمه منیم اوچ گجه بیت الحزنیم
باخمیشام بو سارالان رنگه یانیب روح و تنیم
حرمله آدی گلنده ایله تیترر بدنیم
چون شقاوتده پرآوازه ی دوراندی علی
اللرون باغلادیم از بس سینمی داغلامیسان
نیلیوم چاره یولون سن آناوا باغلامیسان
نفسون گلمیری از بس گجه نی آغلامیسان
گوزومون نوری بیر آز دوز اگر امکاندی علی
چوخ گلایم وار اگر دوشسه فرات اوسته یولوم
چوللره آخدی،عطشدن سارالیب سولدی گولوم
دیلون اولسیدی دیردیم آناوا ایسته اولوم
چاره سیز دردینه اولماخدی که درماندی علی
بهنام فرشی
تعداد بازديد : 223
پنجشنبه 19 فروردین 1395 ساعت: 12:46
نویسنده: خادم الزهرا (س)
نظرات(0)
مطالب مرتبط
بخش نظرات این مطلب
